නැගිටිය යුතුය

හිසක ගසාගත් දකුණතකි
මහපටැඟිල්ලෙන් කුඩා මොළය උත්තේජනය වෙයි
වමත දරාගත් සෙලියුලර් ෆෝනයකි
නිරුවත වැසූ සරමේ රැළි
විදුලි පවන් සමග දඟ කරයි. ..

සිතුවෙමි. . .
තව තවද සිතුවෙමි. . .
එක පෙලට සිදුවන වැටීම්

බීමෙන් පලක් නැත
නැගිටිය යුතුය
කෙසේ හෝ නැගිටිය යුතුය
තණ පතේ හෝ එල්ලිය යුතුය. . .


මැරෙන්නට තවත් කල් ඇත
ඉන් මද වේලාවක් නැගිටින්නට යොමු කරමි.

වඳින්න කැළණි විහාරේ

සුදු ඇඳලා
බිම බලාගෙන
මල් අතේ අරං

සුදු හැට්ටේ අත් කපලා
හොරැහින් උඩ බලන්
මල් පෙති කොනහා කොනහා

උපාසිකාවෝ පෝලිමක්
කැලැණි විහාරේ

හැන්ගෙමු

අපි හැන්ගෙමු

මොකෙක්වත් නො එන

තැනක

කතා කරමු

අපේ අහින්සක

අනාගතේ ගැන

අනිත් උන් හිතාවි

මම උඹේ

තොල කනවැයි කියලා

ඩ්‍රැයිවර් මහත්තයා!

හෝල්ට් දෙකක දුර තව වැඩි කරමින්නා
යනෙන ලෙසක් නොදැනෙන ලෙස පදවන්නා
තවත් පෙම් පුරන්නට මට ඉඩදෙන්නා
හෙමින් යන රියදුරුව දෙවියෝ රැකදෙන්නා

විභාග බිය

ඇඳක් උඩ දපා, බත් පිඟානක් දෙකක් ගිල දමා, සේකර කියවා, මලක් කඩා අතිශය මනෝ ලොවක සිටීමත් ඉතාමත් මහන්සියක් සිරුරට ගෙන දෙයි. ඒ හෙටත් කරගසන්නට සිදුවන අනුන් හදන ප්‍රශ්න වලට හොරාට උත්තර හෙවීම සිහිපත් වූ පසුය. කොපි කරන්නත් විෂය දත යුතු ලොවක අනුන් හදන ප්‍රශ්න විසඳන්නේ කෙසේද හදිසියේ, මා අතැතිවද මිටියක් ප්‍රශ්න ඇති කල.

පාහර කල්ලිය

එකෙක් හැදුවා කල්ලියක්. හොයාගත්තා තුවක්කුවක් දෙකක්. මෙන්න හොයපි විමුක්තිය! හැම විරුද්ධ මතයක්ම මරා දදා. කට්ටිය ඌට වඳිනවලු. ඌ චේ වගේලු. චේට කොහෙන්ද යකෝ එහෙව් වස්තුව. වැරදි පාරේ හරියට ගිය බුද්ධිමත් කමක් නැති උගත් පාහර බල්ලා. වද විඳලා මැරුනේ ඌ හොඳ වෙලාවට. මගේ මාමට වෙඩි තියපු පාහර පට්ට වේසිගේ පුතාට අනින්න කියලා පොඩි මම හොයාගත්තු පිහිය තාමත් මගේ ලඟ!

සහයෝගීතාවය

කට්ටියක් එක්ව ත්‍රස්තවාදය තුරන් කල අතර, තවත් පිරිසක් එය විකුණූහ. ඒ අතර විකුණූ දෙය මිලට ගෙන තව පිරිසක් උස් තැන් වලට පත්වූ අතර ඒ සතුට නිසා මහත් පිරිසක් කිරිබත් උයන ලද අතර ඒ කිරිබත් අතිමහත් පිරිසක් රස කර කෑහ. සසිරිබර මෙසිරිලකේ එය සහයෝගීතාවය නමින් හඳුන්වයි!