වැළා

අනිත් දවස් තුන්සිය හැට හතරෙම
වෙඩින් නටන අපි
අද විතරක් අහක බලං
වැළන්ටයින් එක්ක ගේමට

අත්හදාබලමින් සිටිමි!

සිතුවිල්ලක් තුරන් කිරීමට වඩා සිතුවිලෙන් තුරන් වීම පහසුයි.

සාපේක්ෂ මහමෙර

එය මට මහමෙරක් නොවන මුත් මට එය ඊටත් වටී ඔබට එය මහමෙරක් නිසා. ඔබ මෙය විසඳීමට තතනයි. වැරදි උත්තර ගනියි. ඔලුවේ අතගසා ගමි. ලෙහෙසියි. මට එය වටින්නේ ඔබ නිසා. ඔබෙන් නිසා. ඔබට නිසා. නැතහොත් එය මට ගිණිය යුත්තක් නොවේ. ඔබ නිසාවෙන්ම මම එයින් ආහ්ලාදයට පත්වෙමි.

ආදරේ, ඔබ සුවසේ නිදතැයි සිතමි. මම අවදියෙන්! නුඹට දුන් බරැති පැනයට දුක්වෙමින්.

අහ්... ලබන වසරේ සිට උ/පෙ විභාග ප්‍රශ්න සාපේක්ෂව ලෙහෙසි කරන්නැයි අදාල ඇමති නියෝගයක්! හෙහ්... උටත් මේකම හිතිලා.

පෙරදින රැය

අහෝ...
පෙරදින රැයේ
ඔබත් සමග මැවූ සිහින
ඵලදරවන්නට ඇත්නම්...

කිටිකිටියේ
වැලඳගන්නට
ඒ උණුසුමෙන් පහරක් ගසමු එක්ව
මේ ගිනි සීතලට

නමුත් සොඳුර
ඔබ ලකුණු තනමින් සිටී..
ගෙවැසියන්ද නොසෙල්වේ
මා සීතලේ වීඩියෝ පහස ලබමි...

අහෝ
වීඩියෝවට වඩා
පෙරදින රැය
කෙතරම් සුන්දරද...?

මොබයිල් ලව්

අපේ ගිණුමේ ශේෂෙත් තිබිලා
අපිට වියදම් කරන්න වෙලාවත් තිබිලා
Phone එකේ බැටරි නොබැහැත් තිබිලා
යමරෙට කොටන විදුලි
නිසා අපි ඈත් වෙලා. . .

අපේ ගිණුමේ ශේෂෙත් තිබිලා

අපිට වියදම් කරන්න වෙලාවත් තිබිලා

Phone එකේ බැටරි නොබැහැත් තිබිලා

එහා මෙහා යන අම්මා

නිසා අපි ඈත් වෙලා. . .

ඒක හරිම පුදුම සංසිද්ධියක්!

ඒක හරිම පුදුම සංසිද්ධියක්!
නින්ද නොයන්න හේතු දෙකයි
එකක් නිදාගෙන ඉඳ ඇහැරීම
අනික හිත ව්‍යාකූල වීම.

මේකේ පුදුමේ කියන්නේ
මේ අවස්ථාවේ ඒ ව්‍යාකූලත්වය පාලනය කරන්නේ ඈ වීමයි!
ඒකත් හරියට මගේ ගෙදර දොර අරින්න
වෙනින් කෙනෙක් එනකන් ඉන්නවා වගේ වැඩක්!

ඒකටත් හෙට උදේ වෙනකන් ඉන්න වෙනවා!

තොල් දෙක

අපේ කතාවට කොටු දාලා
උඹ තොල් දෙක ලඟට කරා
මට මොහොතකට අමතක උනා මාත්
මැරෙන මිනිහෙක් කියලා!

සිහිනය

විහඟුන් පියඹා ගිය

සොඳුරු සිහිනයේ

ඔබ අහලකවත්

නොසිටි අතර

සුනාමිය එන දෙස බලා

තනිව වෙරලේ මා

සිටි සිහිනයේ

අප අත් පැටලී තිබුනේය. . .

රිදී රේඛාව

අඳුරු වළාවන්

අප හට

ප්‍රේමයේ ගුලි ගැහීමට

ඉඩ ලබාදුන් අතර

එකම රිදී රේඛාව

එයට

බාධාවක් විය!

ඉස්සර

ඉස්සර
තනි රකින්න දෙන්නෙක් හිටියා. . .
දෙන්නෙක් ඉන්දලත් මම තනි උනා. . .
ටික දොහකින් උඹත් මාත් විතරක්
තනි වුනා. . .
එදා මට
ආපහු තනියක් නැති උනා. ..

හැන්ගෙමු

අපි හැන්ගෙමු

මොකෙක්වත් නො එන

තැනක

කතා කරමු

අපේ අහින්සක

අනාගතේ ගැන

අනිත් උන් හිතාවි

මම උඹේ

තොල කනවැයි කියලා

ඩ්‍රැයිවර් මහත්තයා!

හෝල්ට් දෙකක දුර තව වැඩි කරමින්නා
යනෙන ලෙසක් නොදැනෙන ලෙස පදවන්නා
තවත් පෙම් පුරන්නට මට ඉඩදෙන්නා
හෙමින් යන රියදුරුව දෙවියෝ රැකදෙන්නා