සමාවේ ආතල්

එයා ඔයාට ආදරේ කරනකං එයා ඔයාට සමාව දේවි.  සමාව දෙන එක නැවැත්තුවම ආදරේ ඉවරයි කියල තේරුං ගන්න ඕන. එතන ඉඳන් කරන වැරදි ටික වැරදි නෙමෙයි. ඒවා ආතල්. හැබැයි ඔය කොයි ආතල් එකටත් වඩා සමාව ලැබුනම හිතට දැණෙන ආතල් එක වැඩියි. ඒ නිසා තමයි ආදරේ කියන දේ ලෝකෙ ලොකුම ආතල් එක වෙන්නෙ. ඒ ආතල් එක වෙනුවෙන් කැපකිරීම් කරන්න ඕන නැහැ. ඒ ආදරේ වෙනුවෙන් ප්‍රැක්ටිස් කරන්න ඕන. සමාව නොලැබෙන දවස්(ප්‍රැක්ටිස්) ගොඩකට පස්සෙ ඒ ආතල් එක ලැබේවි. මැරෙනකංම ලැබේවි. මතක තියාගන්න ඕන එක දෙයක් තියෙනව. ඒ මැරෙනකංම ප්‍රැක්ටිස් කරන්න වෙන ජීවිතත් මේ ලෝකෙ තියෙන විත්තියයි.

-රචින්ත ජයවර්ධන‍

පිණි බිදක්

වැස්සකට පිං සිද්ධ වන්නට
තෘණ මතට වන් පිණි බිඳක්
බැස යනවු හිරු දෙස බලයි
තුටු වෙමින් ඉන්නට වැඩි කලක්...

හිරු බැලූ කල ඊට මෙහයින්
පෙනුනි ලස්සන සුදු මලක්...

බලා සිටිමුත් වැටෙන තුරු ලඟ
පැයකටත් වැඩි කාලයක්
අවසානෙ මල බිමට වැටුනයි
විසිරමින් පිණි බිඳ හඩත්...

කෝච්චි කතාව

කොටුව දුම්රිය නැවතුමේ සිට

පෙට්ටි ටික තනිකර දමා

ඉවත යයි එලි නිවා එංජිම

දොම්නසට සුසුමක් හෙලා...

තමන් සමගම සිටි සිරිස දෙස

බලා සුසුමක් නොම හෙලා

පෙට්ටි ටික නතරව සිටියි මග

හැරෙන තුරු හිස කඳ සොයා...

නැවත හැරවූ හිස ඇදී එයි

සිනා සරමින් එලි දරා

පසුපසට ගොස් එක්වුනයි යලි

යන්න උඩරට කඳු බලා...

ඕහ්.. කවි

යන යන "මුතු බිඳු" පාසා කවි වැගිරෙන
දයානුකම්පිත සාර සොබාවේ අග තැන
මඩැති වගුරක වුව පෙම් මදිරා පුරවන
බොගේ ඉලව් කවි ගැන මොකටද මගේ කට?

හුප්පලවන්නා

පර්ම් ටින්ට් කර කේසය කොට කරනා
ළැම පුම්බා වටොරට සැප පුරවන්නා
තුරඟ ලතා තාලෙට සොක පුලවන්නා
අරක්කු, ඊයා ඇයි හුප්පලවන්නා?

කවියෝ

වලකි, පෙල ගැසෙති "කොලු" රස රහස් සොයා
නළුවෙකි, වට බැඳෙති "කෙලි" පෙම් පහස් අයා
කොටයකි, මිතුරු වෙති "දන" ලඟ නමමු කියා
හිඩැසකි, කවි කොටති "කිවි" සිත් පිරෙන නියා

අලුත් ප්‍රාදේශිය සභා අපේක්ෂිකාවට

මේකප් දමා හැඩ වෙමිනා සිටිය ළඳේ
ජීන්ස් දමා පුෂප් එකට ටොපට ටොපේ
සාරි ඇඳන් පොඩි මුඩුක්කු කාණු කටේ
හිනාවෙයන් මනාප පුරවාන වටේ